Се дошиваат последните детали на маските, се дотеруваат костимите и чекорите од кроеoграфиите. По неколкумесечна работа, карневалџиите конечно го гледаат производот од вложениот труд.
Во основното училиште „Маршал Тито“ во Муртино спортската сала деновиве служи за комплетирање на карневалскиот настап. Наставниците даваат насоки, шијат, пеглаат и лепат, а учениците уредно ги следат. Не кријат дека се возбудени и среќни што живее оваа традиција.
Маската треба да забавува, но и да замислува, да поучува. Вака барем размислуваат наставниците. За нив секоја активност, па и карневалската треба да биде едукативна. Овојпат, упатуваат на климатските промени.
Синоќа во центарот за култура се одржа традиционалниот концерт под маски. Насловен како „Вчера, денес, утре“ концертот направи музичко патување, но и потсетување дека технологијата не смее да го претвори човекот во машина.













